Врховниот суд денеска треба да се изјасни по жалбите на решенијата на Апелацискиот суд Скопје за определување притвор за три лица обвинети во предметите „Таргет” и „Тврдина” на Специјалното јавно обвинителство.
Врховниот суд соопшти дека петчлениот совет вчера ја почна седницата за разгледување на жалбите и оти одлуката по нив ќе биде донесена на денешното продолжение на седницата.
Апелацискиот суд на 18 јули ја уважи жалбата на СЈО и ги преиначи првостепените решенија и заради обезбедување присуство во кривичната постапка им определи мерка притвор на Горан Грујовски, Тони Јакимовски и Никола Бошковски, обвинети во случаите „Таргет“ и „Тврдина“.
Мерката притвор не беша активирана бидејќи тројцата поднесоа жалби до Врховниот суд, кој денеска треба да се изјасни по нив.