Врховен може да донесе ново начелно мислење за истрагите на СЈО

Од:

Врховниот судија, Џемали Саити, рече дека останува во правна сила начелното правно мислење на највисокиот суд со кое се потврди дека СЈО е неовластен тужител во рокот по 18 месеци од преземањето на предметите.

„Начелното мислење беше водилка на целите настани. Тоа е во правна сила и останува. Фактички начелното мислење и тогаш упати на фактот дека сите работи кои се одвиваат после 18-те месеци треба да преминат во редовното обвнителство. Во овој момент имаме еден чекор понатаму, се случи сите досегашни активности да преминат во рамките на редовното обвинителство. Значи тоа не е депласирано, туку е во насока на сите активности кои се случуваат“, рече Саити.

Судијата одговарајќи на новинарско прашање рече дека е возможно Врховниот суд да донесе ново начелно правно мислење.

„Тоа е можно. Членот 6 од Законот за судови го шири спектарот на подносители на такви иницијативи“, рече Саити на промоцијата на зајакнувањето на капацитетите на Судско-медиумскиот совет.

Највисокиот суд во јануари годинава донесе начелно правно мислење со кое утврди дека СЈО е неовластен тужител по рокот од 18 месеци.

Би можело да ве интересира

Дел од измените на Кривичниот законик од утре стапуваат на сила: Што ќе значат за осудените ексфункционери

Александар Тодески

Врховен ја одложи седницата за „Монструм“ за 14 јуни

Врховниот суд утврди начелен став за директна примена на Уставот и Европската конвенција за заштита на човековите права

Ана Ололовска

Судот во Стразбур ќе ја објави одлуката за поништената аболиција на Иванов

Катерина Ѓуровски

Врховен ги одби барањата за вонредно преиспитување на правосилна пресуда за предметот „Шпион“

Ана Ололовска

Претседателката на Врховен нема намера поради снаата да се повлече од Управниот одбор на Академијата за судии и обвинители

Кристијан Ландов