Времето утре во Македонија ќе биде сончево и релативно топло со мала облачност. Наутро по котлините со појава на магла, која повеќе ќе се задржи во Пелагонија. Ќе дува слаб, долж Повардарието повремено умерен ветер од северен правец.
Температурата ќе се движи од седум до 17 степени.
Во Скопје ќе биде сончево со мала облачност. Ќе дува слаб повремено умерен ветер од северен правец.
Температурата ќе достигне до 8 степени.
И понатаму ќе се задржи стабилно и суво време, по одделни котлини ќе има појава на магла, особено во утринските часови. Дневните температури во југоисточните делови и на повисоките места ќе бидат релативно високи за овој период од годината. Утре и кон крајот на работната недела на места ќе дува слаб до умерен северен ветер, кој ќе ги намали условите за појава на магла.