И денеска, доколку излегувате, со себе понесете чадор и облечете се потопло.
Синоптичарите велат времето денеска во Македонија ќе биде променливо облачно и ветровито, но ќе има и подолги сончеви периоди во западните делови.
Температурата ќе се движи од 10 до 21 степен. Во Скопје температурата ќе достигне до 17 степени.
Во источните делови ќе биде пооблачно со услови за слаб локален дожд.
Сепак уверуваат, веќе за викендот времето ќе се подобри. Повторно ќе заборавите на чадорите и ќе ја извадите летната гардероба.