Времето во Македонија ќе биде сончево со мала до умерена облачност, а ќе дува и слаб до умерен ветер од северен правец.
Утринската температура ќе се движи од минус шест до еден, а дневната од еден до седум степени.
Во Скопје времето ќе биде сончево со умерена облачност. Утринската температура ќе се спушти до минус два, а дневната ќе се искачи до пет степени.
За време на викендот времето ќе биде облачно и врнежливо.
Во сабота врнежите на планинските места ќе бидат од дожд и снег. Ќе дува засилен јужен ветер.
Во недела ќе дува северен ветер и врнежите насекаде ќе преминуваат во снег. Поинтензивни врнежи се очекуваат во текот на ноќта спрема недела.