Времето претпладне во Македонија ќе биде сончево со мала до умерена облачност. Попладне ќе има локален пороен дожд со појава на грмежи. Ќе дува слаб до умерен ветер од северен правец.
УВ-индексот ќе изнесува 7.
Утринската температура ќе се движи од 12 до 19, а дневната од 24 до 32 степени.
Во Скопје слично време, со температура до 29 степени.
Во летните туристички центри утре времето ќе биде сончево и потопло со мала до умерена облачност. Во претпладневните часови во дојранскиот регион ќе биде сончево со мала до умерена облачност, а во попладневните часови можно да има локален пороен дожд со појава на грмежи. УВ-индексот ќе изнесува 6.
Во охридскиот регион највисоката температура ќе достигне до 26, а во дојранскиот до 30 степени.