Времето во Македонија ќе биде претежно облачно, на пониските места со врнежи од дожд, а на повисоките со дожд и снег. Повремено врнежите ќе имаат обилен и пороен карактер особено во западните делови каде на планините ќе се формира позначителна снежна покривка. Ќе дува умерен, но локално е можен и засилен ветер од јужен правец, а повеќе врнежи се очекуваат во попладневните и ноќните часови.
Утринската температура ќе се движи од минус еден до четири, а дневната од три до 10 степени.
Во Скопје времето ќе биде претежно облачно, во попладневните и ноќните часови со врнежи од дожд. Утринската температура ќе се спушти до два, а дневната ќе се искачи до шест степени.