Времето денеска во Македонија ќе биде претежно облачно со повремени врнежи од дожд, на планините од снег, а во западните делови од дожд и снег. Попладне од север ќе има продор на постуден воздух и врнежите на повеќето места ќе поминуваат во снег. Ќе дува слаб до умерен јужен ветер, попладне постепено ќе го промени правецот во северен.
Температурата ќе се движи од еден до шест степени.
Во Скопје времето ќе биде претежно облачно, а попладне со врнежи најпрво од дожд и снег, а кон крајот на денот и во ноќта од снег. Утринската температура ќе се спушти до еден, а дневната ќе се искачи до четири степени.
Во сабота во текот на денот врнежите ќе престануваат, а ќе дува и северен ветер. Температурата на повеќе места ќе се задржи под нула степени што ќе предизвика и појава на голомразица.