Времето денеска во Македонија ќе биде претежно облачно и постудено со повремени локални врнежи од дожд, на повисоките места со дожд и снег, а на планините од снег. Ќе дува умерен до засилен ветер од северен правец.
Утринската температура ќе се движи од минус еден до пет, а дневната од четири до девет степени.
Во Скопје слично време, претежно облачно и постудено, со повремен локален дожд. Ќе дува умерен северен ветер. Утринската температура ќе се спушти до пет, а дневната ќе се искачи до седум степени.
Во среда ќе има преодно стабилизирање на времето, а во четврток повторно ќе има услови за слаб локален дожд. Утринската температура во наредните денови на места ќе биде негативна. Во среда дневната температура ќе се движи од четири до девет, а во четврток од четири до 10 степени.