Вработен на Клиниката за стоматологија заразен со смртоносната бактерија МРСА

Од:

Кај вработен на Универзитетскиот стоматолошки клинички центар „Свети Пантелејмон- Скопје“ е пронајдена опасната бактерија МРСА. Од Клиниката за стоматологија смируваат дека нема простор за паника и дека состојбата е под контрола.

Порачуваат дека преземени се сите мерки за дезинфекција и изолирање на бактеријата, односно изолиран е вработениот, кај кого била најдена бактеријата. Како што велат од таму, тој не доаѓа на работа, а направена е и комплетна дезинфекција на просториите на катот каде работел заболениот, а во тек е дезинфекција и на сите простории.

„Иако кај ниту еден од останатите вработени нема сомнителни симптоми, сепак превентивно по итна постапка во текот на денот се закажани термини за санитарен преглед на сите вработени во просториите на клиниката“ велат од Клиниката за стоматологија.

МРСА е бактерија којашто е исклучително отпорна на антибиотици, а се пренесува со директен контакт со заболено лице или заразен материјал. Предизвикува опасни крвни инфекции, воспаление на белите дробови или инфекции на местото на хируршкиот зафат.

Би можело да ве интересира

Деветнаесетгодишно момче од Турција почина на скопската клиника

Предраг Петровиќ

На КАРИЛ почина жената од Неготино која била претепана од партнерот

Горан Наумовски

Се степале маж и жена на скопските Клиники

Горан Наумовски

Три деца и воспитувачка заразени со бактеријата мрса во градинка во Кисела Вода

Негативни резултати од 48-те земени мостри од неколку училишта и градинки, нема нов случај со МРСА

Ана Ололовска

Караџовски: Нема нови случаи со МРСА, што не е смртоносно заболување туку инфекција

Ана Ололовска