Возачите минуваат на среќа: 26 дена нема сигнализација на најфрекфентниот железничкиот премин во Хиподром

Од:

Сигнализацијата на пругата на патниот правец од населбата Хиподром кон Трубарево не е во функција речиси еден месец поради сообраќајна несреќа, а возачите на патничките и товарните возила, како и машиновозачите се оставени сами на себе на внимаваат на најфрекфентниот патничко-железнички премин во Македонија.

По реакциите на граѓаните во последните две недели, Општина Гази Баба испратила допис до ЈП Железници Инфраструктура за да побара објаснување за случајот, а оттаму одговориле дека машиновозачите биле известени дека е потребно са превземаат мерки за безбедно одвивање на сообраќајот.

„Сигнализацијата не е во функција поради сообраќајна несреќа која се случила на 05.10.2023 година од која настрадала бетонската куќичка во која била опремата за функционирање на патниот превоз и истата била уништена, а за целиот овој период моторовозачите биле известени дека е потребно да превземаат мерки за безбедно одвивање на сообраќајот, односно задолжени се при приближување до патниот премин да застане, да го обезбеди и да продолжи со возење на возот“, објасни градоначалникот на Гази Баба, Бобан Стефковски додавајќи дека сериозна е загриженоста по безбедноста на граѓаните.

Тој ги повика граѓаните на голема претпазливост при преминувањето на посочената локација, а денес ќе испрати допис со нагласување за итно постапување до Министерството за транспорт и врски.

Би можело да ве интересира

Левица: Стефковски ги остави учениците во Гази Баба без бесплатен превоз

Го киднапирале и силувале за долг од 150 евра – кривична за двајца скопјани

Анита Петровска Рајковиќ

Левица: Дивоградбите во Гази Баба недопирливи веќе два мандати

Ученици од Гази Баба за излет до паркот во Гази Баба платиле по 250 денари за автобус: Колку чини една школска екскурзија

Орце Костов

Тројца ученици се истепале во Гази Баба

Родителите од Гази Баба до Шаќири: Ќе го блокираме автопатот, регионалниот пат, а ќе поставиме и шатори пред МОН

Орце Костов