21:26 Полицијата фрли димна бомба кон демонстрантите.
20:56 Боја за Министерството за финансии.
20:35 Демонстрантите извикуваат „Партиска полиција“ и ја потсетуваат полицијата дека народот ја плаќа.
20:26 Демонстрантите се пробија до Министерството за финансии низ гаражите, а во моментов и другите демонстранти се обидуваат да ги пробијат специјалците низ влезовите на Градски ѕид.
Додека една група седеше на барикадата повеќето почнаа да поминуваат низ гаражите до министерството за финанси. Полициски специјалци го блокираа и влезот од зградата при што дојде до туркање меѓу нив и демонстрантите.
20:05 Полицијата ги сопре демонстрантите пред министерството за финансии.
19:52 Протестниот марш се движи кон Министерството за финансии.
#протестирам pic.twitter.com/YlYN6J9wPB
— Marina (@maririna_) July 11, 2016
19:40 Се поголем број на граѓани се собираат пред СЈО.
19:33 „11 милијарди причини за крај” е мотото на демонстрантите на вечерашниот протест.
19:27 Затворен приодот кон седиштето на ВМРО-ДПМНЕ.
19:00 Вечерва на протестот кој стартува пред СЈО против задолжувањето од 650 милиони евра, дел од демонстрантите велат дека власта со овие пари сака да си ја спаси кожата, не водејќи сметка дека во финасиската дупка што ја отвора. ќе заглават и внуците на нашите деца.
„Нема правда кога јавниот долг вртоглаво расте. Секој граѓанин на Македонија веќе должи по 2.200 евра, а режимот сака да го задолжи за уште 330 евра, во очајнички обид да продолжи да владее криминално“, се наведува во повикот до граѓаните.
Деновиве се појави и петиција „Не за еврообврзницата!“ на која граѓаните се изјаснуваат против одлуката за ново задолжување од 650 милиони евра.
