21:45 Полицијата го опколи споменикот на Прометеј, има мали кошкања со демонстрантите.
Полицијата се обидува да ги спрече демонстрантите да го бутнат споменикот на Прометеј #протестирам pic.twitter.com/hLNQZUBIFU
— META.mk (@meta_agency) June 20, 2016
21:23 Демонстрантите ја тргнаа заштитата од споменикот на Прометеј.
21:14 Се бои Собранието.
21:11 Демонстрантите пристигнаа пред Собранието.
Малце гужва.#Протестирам#ШаренаРеволуција pic.twitter.com/Jj1PCfZ0My
— 42 (@forty_tw0) June 20, 2016
21:00 Протестот продолжува пред Собранието.
20:55 Со камења се кршеа прозорците на Министерството за правда. Претходно се боеше со пумпи.
20:40 „Командосите“ на Шарената Револуција се подготвуваат да го бојат Министерството за правда.
20:33 Протестниот марш се движи кон Собранието.
Демонстрантите се движат кон Собранието #протестирам pic.twitter.com/zVJWfyP7Qd
— META.mk (@meta_agency) June 20, 2016
20:15 Демонстрантите бараат Уставниот суд да се изјасни за СЈО и формирање на специјално одделение во судот. Ова е последно предупредување од граѓаните кои протестираат.
19:56 Протестниот марш пристигна пред влада, се слуша песната „Во борба“.
Демонстрантите пристигнаа пред влада, се слуша песната „Во борба“ #протестирам pic.twitter.com/CxDdntPBKE
— META.mk (@meta_agency) June 20, 2016
#протестирам pic.twitter.com/sqs9X1aNbE
— Мада Фака (@h3xman) June 20, 2016
19:45 Илјадници демонстранти се движат накај Влада.
Доаѓаме #Протестирам pic.twitter.com/CSnMn3aHeu
— Илузиониста (@Elilusionista25) June 20, 2016
19:40 Битола не е на продажба.
19:27 Голем број припадници на МВР позади Владата.
19:24 Транспарент „Слобода“ на протестот пред СЈО.
19:15 Шарената револуција на Фејсбук објави совети за поголема безбедност во пресрет на вечерашниов протест.
19:10 Илјадници луѓе се собраа пред СЈО и се уште пристигнуваат од сите страни.
Неколку илјади граѓани се собираат на протест пред #СЈО #протестирам pic.twitter.com/lzxJwMDEsU
— META.mk (@meta_agency) June 20, 2016
19:04 „Никола, Никола, шутка не ти бега Никола!“, се извикува пред СЈО.
18:55 Лидерот на СДСМ Зоран Заев се приклучи на протестот на Шарената Револуција.
18:50 „Вечерва во 19 часот ќе се собереме пред нашата тврдина, симболот на правдата – Специјалното јавно обвинителство! Ќе бидеме здружени, силни, одлучни и одговорни! Бараме граѓаните да бидат дел од решението на кризата и доаѓаме за да го осигураме нашето учество! Бараме криминалците да одговараат и ќе ги притиснеме институциите да покажат дека крадењето и угнетувањето не смее да бидат исплатливи дејности! Бараме преодна влада и не отстапуваме додека не се осигураме дека таа влада ќе обезбеди слободни избори и слободно гласање! Сограѓани од цела Македонија, се гледаме!“, се наведува во повикот објавен на страницата на Фејсбук Шарена револуција.
„Ние не простуваме! Ние не дозволуваме преговори за нашата иднина и иднината на нашите деца водени зад затворени врати! Лути сме и гневни на политичките елити што предолго нè држат во статус кво со неуспешни и нетранспарентни преговори без учество на граѓаните! Доста ни е од преговори во кои ние сме нем и пасивен набљудувач! Нашиот глас мора да биде слушнат и од власта, и од опозицијата! И ќе биде слушнат! Ако не во таа мала соба за преговори, ќе нè слушаат од улиците и плоштадите на оваа држава!“, порачаа активистите од Протестирам.