Променливо и нестабилно време со локален пороен дожд и грмежи во попладневните часови најавуваат метеролозите. Денеска и утре според УХМР нестабилно ќе биде претежно во планинските подрачја, додека во петок и во недела на повеќе места, особено на северот и истокот од земјава.
Во сабота не се очекуваат врнежи, но ќе дува повремено засилен северозападен ветер кој ќе донесе осетно спуштање на дневната температура, која ќе достигне до 24 степени.
Пооблачно и ветровито со северен ветер ќе биде и во понеделник, кога под влијание на нов влажен бран врнежи од дожд се очекуваат насекаде низ земјава.