Снежна покривка од два сантиметри и темпеатура од два степени под нулата утрово се регистрирани во Крушево, Маврово и Лазарополе.
Во другите градови температурата се движеше од 0 во Скопје, Крива Паланка, 1 Битола, Пожар, Претор, Охрид, 2 Тополчани, Берово, Прилеп, Пожаране, Тетово, Дебар, Скопје, 3 Виница, Штип, Куманово, Ѓуриште, Демир Капија, Струмица, 5 Гевгелија до 6 во Дојран.
Врнежи се регистрирани во Пожаране, Битола, Берово, Маврово, Тополчани, Ѓуриште, Тетово, Лазарополе, Охрид, Демир Капија, Претор, Крушево, Прилеп, Струмица, Гевгелија, Штип, Крива Паланка и Пожар.
Времето утрово е променливо облачно и посвежо со слаб локален дожд. Претпладне со почести сончеви периоди, а од пладневните часови на планините особено на запад и на север со врнежи од слаб снег. Ќе дува умерен западен ветер во западните делови, а во останатите ветерот ќе е северозападен.
Во текот на денот ќе преовладува променливо облачно и посвежо време со слаб локален дожд. Претпладне со почести сончеви периоди, а од пладневните часови на планините особено на запад и на север со врнежи од слаб снег. Ќе дува умерен западен ветер во западните делови, а во останатите ветерот ќе е северозападен. Температурата ќе биде во интервал од 7 до 15° C.
Во Скопје ќе биде променливо облачно со сончеви периоди од пладневните часови со умерен северозападен ветер и со услови за слаб дожд. Температурата до 12° C.
За време на викендот ќе биде стабилно и потопло, но утринските температури ќе се блиски до нула, а понекаде и степен два под нулата. Во недела и понеделник ќе дува повремено засилен јужен ветер. Од понеделник вечер и ноќта кон вторник ќе настапи нов влажен бран проследен со врнежи од дожд.