Во Крива Паланка ќе се уредува прв извиднички музеј во регионот

Од:

Раководните лица од извиднички одред „Наум Наумовски-Борче“ најавија дека до крајот на септември годинава ќе биде уреден извиднички музеј во Крива Паланка, прв од таков вид во Република Македонија и регионот на западен Балкан.

Активностите се дел од проектот „Внатрешно уредување на извиднички музеј во Крива Паланка“ кој ќе трае од 1 јуни до 30 септември 2018 година, а е финансиран од „Центар за современа уметност- Скопје“ .

– Музејот ќе опфати уредување на музејска просторија во која ќе бидат изложени фотографии од 1960 година, од формирање на одредот, до ден денес, оригиналниот записник – документ од основање на одредот, дипломи, благодарници, пофалници, пехари, значки, знамиња, извиднички марами, плакети и останати важни документи и предмети од работењето на одредот во изминатите шест децении, информира Соња Ангеловска од ИО „Наум Н. Борче“.

Главен изведувач на активностите е Центар за современа уметност, кој финансира 48.000 денари за реализација на проектот во соработка со ИО „Н.Н. Борче“.

– Тековно, одредот започна со имплементација на проектните активнсоти од „Младинска платформа за одржлива заштита на природата“ што ќе се спроведува во следнитe пет месеци, додава Ангеловска.

Проектот е поддржан со грант од локалната самоуправа на општина Крива Паланка о рамки на програмата за поддршка на граѓански здруженија и фондации до оптшината за 2018 година.

Би можело да ве интересира

Координативен состанок за трајно решавање на проблемот со неконтролираното движење на добитокот во Крива Паланка

Предраг Петровиќ

Заловени 96 говеда во Крива Паланка, АХВ се соочува со опструкции од поранешните сопственици

Крива Паланка поднесe кривични пријави поради неспроведените решенија за одземање на добитокот

А1он

Митовски бара законски овластувања за да го реши проблемот со добитокот по улиците во Крива Паланка

Зад рудникoт за антимон во Крива Паланка стојат донатори на ВМРО-ДПМНЕ, тврди СДСМ

Катерина Ѓуровски

Градоначалникот на Крива Паланка да не се амнестира од проблемот со кравите, реагира АХВ