Градоначалникот на Крива Паланка да не се амнестира од проблемот со кравите, реагира АХВ

Од:

Агенцијата за храна и ветеринарство (АХВ) остро реагира на изјавата на градоначалникот на Крива Паланка, Сашко Митовски, дека општината нема законска надлежност да постапува за проблемот со говедата кои слободно се движат низ градот и околните села.

Од АХВ велат дека ваквиот став е неодговорен кон граѓаните и потсетуваат дека, согласно Законот за јавна чистота, контролата на јавните површини, вклучително и чувањето и напасувањето на крупен добиток, е во надлежност на општината.

„Митовски не може да се иззема од одговорност. Ако сакаше, проблемот можеше да биде решен и досега, самостојно или со институционална соработка“, наведуваат од Агенцијата.

Оттаму додаваат дека проблемот не е нов и дека не може да се реши преку ноќ, особено во услови кога, како што велат, недостига соработка од локалната власт.

„Говедата не се појавиле одеднаш, ниту може инстантно да се отстранат без координација со општината, која е подеднакво одговорна“, посочуваат од АХВ.

Агенцијата апелира до градоначалникот да започне да го почитува законот и да соработува со надлежните институции за трајно решавање на проблемот.

Во меѓувреме, од АХВ најавуваат дека ќе продолжат со активности за собирање на животните, во интерес на граѓаните на Крива Паланка и околните населени места.

Би можело да ве интересира

Заловени 96 говеда во Крива Паланка, АХВ се соочува со опструкции од поранешните сопственици

Крива Паланка поднесe кривични пријави поради неспроведените решенија за одземање на добитокот

А1он

Митовски бара законски овластувања за да го реши проблемот со добитокот по улиците во Крива Паланка

Левица: ДПМНЕ ќе решавале големи државни прашања, а не можат ни со кравите и Стојна да се справат

А1он

Повторно приведена мисицата, сопственичка на „славните“ крави од кривопаланечко

Зад рудникoт за антимон во Крива Паланка стојат донатори на ВМРО-ДПМНЕ, тврди СДСМ

Катерина Ѓуровски