Недостатокот на ресурси за секаде достапен и воедначен квалитет на водните услуги, недоволните менаџерски и технички компетенции, лошите финансиски резултати, комплексната институционална поставеност, се клучните предизвици со кои се соочуваат општините и јавните комунални претпријатија (ЈКП) кои придонесуваат кон огромни проблеми при обезбедувањето на одржливи и достапни водни услуги.
За нивно надминување денеска во Кавадарци ќе се одржи работна сесија на тема „Размена на искуствата за предизвиците поврзани со активностите и управувањето при собирањето и третманот на отпадните води“ во организиран од Тренинг центарот на Здружението на сите јавни комунални претпријатија во Република Македонија (АДКОМ), во соработка и поддршка на Проектот „Регионалната мрежа за развој на капацитети (RCDN)”.