Градоначалникот на општина Битола Владимир Талески и Петар Милошевски, претставник на Фудбалската федерација на Македонија (ФФМ) денеска потпишаа Договор за изградба на фудбалско игралиште со вештачка подлога.
Проектот е во рамки на програмата „Хет-трик“ на УЕФА, чиј прв човек, претседателот Мишел Платини, утре доаѓа во Скопје за да ја отвори Куќата на фудбалот.
Како што рече Милошевски на прес-конференција, во Македонија ќе бидат изградени 10 фудбалски терени со вештачка подлога, еден од нив ќе биде во Битола.
– И благодарам на општината што ни излезе во пресрет за реализација на овој проект кој е во прилог на фудбалската традиција на Битола и претставува круцијален потег за развојот на фудбалот во овој град, истакна
Според градоначалникот Талески, оваа одлука на ФФМ е потврда за придонесот на општината во развојот на спортот во градот. – Оваа придобивка се совпаѓа со нашите планови за изградба на помошни фудбалски игралишта, како и големата реконструкција на градскиот стадион на кој ќе има две нови поголеми трибини со по 4.000 и две помали трибини со капацитет од по 2.000 гледачи, посочи Талески.
Изградбата на фудбалското игралиште со вештачка подлога ќе заврши за три месеци, во јуни.