Најстудено изутрина во државава е во Берово, каде се измерени минус 21 степен, по што следат Маврово, со минус 17, Лазарополе, -16, Крушево, Крива Паланка и Струмица, – 14. Минус 12 се регистрирани во Куманово, -11 Скопје Петровец, Тетово, Дебар, Пожаране, -10 Виница и Штип, -9 Охрид, Ѓуриште, -8 Прилеп, Демир Капија, Тополчани и Скопје, -7 Битола, Претор, -6 Гевгелија, -4 Дојран.
Висината на снежната покривка во Маврово изнесува 71 сантиметар, 48 во Лазарополе и Пожаране, 46 во Ѓуриште, 30 во Крушево..
Времето денеска наутро ќе биде студено, а преку денот сончево со мала облачност, поизразена на југот од земјата. Ќе дува слаб претежно северен ветер. Температурата од минус два до пет степени.
Во Скопје сончево со мала облачност и со слаб претежно северен ветер. Температурата до два степени.
Во наредните денови времето ќе биде стабилно и суво со пониски утрински температури, додека дневните ќе бидат за 2 до 5 степени повисоки. Од недела и условите за појава на магла по котлините ќе се зголемат, а ќе се зголеми и облачноста поради што од понеделник утринските температури ќе се покачат.