Внатрепартиска војна во ДУИ: Дилетантското однесување на извршната власт на чело со Груби предизвика пасивност кај гласачите

Од:

Бараме од претседателот на партијата, Али Ахмети, да го искористи својот политички и статутарен авторитет, за да најде решение за зачувување на партиското единство, се вели во реакцијата потпишана од Изет Меџити, Висар Ганиу, Муса Џафери, Невзат Бејта, Блерим Беџети и уште неколку истакнати членови на владејачката ДУИ. Групата денеска до медиумите испрати реакција за состојбите во партијата во последните две години. Тврдат дека во партијата не постојат и не се формираат статутарните партиски органи, дека политичкото одлучување станало индивидуално, како и дека не постои дебата и консултација со партиските бази.

dobivaj vesti na viber

– Во ДУИ веќе нема дебата и консултација со партиската база. Кадровските решенија се привилегија само на Артан Груби. Речиси две години нема отчет за работата на Владата и политичката програма. Поради нефункционалноста на организираниот живот на ДУИ, констатираме дека има пад на поддршката за партијата (последните избори во Тетово). Арогантното и дилетантско однесување на извршната власт на чело со Артан Груби, предизвика незадоволство, револт и пасивност на структурите и гласачите“, пишува во писмото и се истакнува големиот револт на најзаслужните членови на партијата за нејзините досегашни победи се вели во писмото.

Во последниве две години партиските органи не се активни, одлучувањето стана индивидуална сопственост, не сме веќе добро организирана и структурирана партија.

– Демократската унија за интеграција не е само политичка партија, ДУИ е вредност која 18 години ги чува и унапредува правата на Албанците, отворено семејство со внатрешни консултации, без индивидуални привилегии, со статутарни тела и со континуиран раст на изборното тело. Како таква, партијата дефинитивно треба да ја вратиме таму каде што припаѓа.

Потписниците бараат политичка дебата внатре во партијата за надминување на оваа состојба и одговорност и отчетност од носителите на извршната власт. Тие бараат претседателот на ДУИ, Али Ахмети, да ги искористи своите политички и статутарни овластувања и да најде решение за зачувување на партиското единство, се вели во писмото.

Би можело да ве интересира

(ВИДЕО) Абази за сликите со функционери од ДУИ во опуштена атмосфера: Се најдовме случајно

Кристијан Ландов

Груби – Гир: Уставните промени, клуч за продолжување на интегративниот процес

Груби ја „цитира“ Олбрајт: Во пеколот има посебно место за мажите кои не им помагаат на жените

Горан Наумовски

Груби: Нема друг пат до напредок, освен патот на знаењето

Внатрепартиски избори во ДУИ следната година

Незадоволната „огнена група“ доби партиски функции, избрано централното претседателство на ДУИ