ВМРО-Народна партија со внимание ја анализирала уредувачката политика на владините национални медиуми во 2014 година, посебно на телевизиите: Алфа, Канал 5, Канал 5+, Сител и Сител 3, во кои доминирале емисии со српска националистичка содржина, директно насочена против македонскиот идентитет.
Во соопштението на партијата стои:
Како поинаку да ги наречеме стотина пати репризираните документарни емисии во кои се величи српството во балканските војни и Првата Светска Војна, филмот ,,Маршот на Дрина,, серијалот посветен на ликот на Никола Пашиќ, на најголемиот српски националист и осведочен душман и негатор на македонскиот народ и идентитет, емисии за српските династии Обреновиќ и Караѓорѓевиќ, серијата ,,Монтевидео,, и најголемата глупост, серијата што деновиве се емитува под името ,,Војна Академија,, која претставува замена за носталгијата по окупациската ЈНА, до петпарачки филмови и емисии каде доминираат неморал, пцости , резилии и други гадости. А сето тоа во меѓувреме зачинето со повеќечасовна српска турбо фолк музика.
Врв на сето ова претставуваше српската новогодишна и божиќна телевизиска програма специјално подготвена зааедничка за Србија и Македонија , повеќекратно засилена за да се добие поголемо влијание врз македонските граѓани кои за празничните денови во голем број останаа во своите домови.
Медиуми кои имаат национален предзнак и уживаат целосна подршка од Владата, и кои добиваат големи суми на средства од домашни и надворешни ментори, а за возврат емитуваат програма која претставува духовно злосторство врз сопствениот народ, е рамно на предавство. Тие заслужуваат да се стават на столбот на срамот и никогаш да не се симнат.
ВМРО-Народна партија за сите овие состојби крајно опасни по идентитетот на македонскиот народ, како единствен виновник директно ја посочува ,,најмакедонската партија,, ВМРО-ДПМНЕ со нејзината влада како извршител. Господа од ВМРО-ДПМНЕ, зарем не вие срам од сегашнава ваша идеолошка матрица која се повеќе наликува на идеологијата од раните години на 20 век на српските радикали и националисти предводени од гореспоменатиот водач и подоцнежното српско четништво кои отворено го негираа постоењето на македонскиот народ.