Aко утре се одржат избори 25,1 процент од граѓаните би гласале за ВМРО ДПМНЕ, а 11,7 за СДСМ. За ДУИ би гласале 8 проценти, за ДПА 4,1, а за НДП 1,3 проценти од граѓаните, се резултатите од телефонската анкета на Институтот „Димитрија Чуповски“.
За потребите на Институтот анкетирани се 1540 лица од 16 – ти до 18 мај, а опфатени биле сите изборни единици, но и други демографски карактеристики на населението како пол, возраст и етничка припадност.
На прашањето, ако утре се одржуваат парламентарни избори за која партија би гласале, дури 35 проценти не знаат или немаат одговор, 13,3 не би гласале за ниедна, а 1,5 отсто би гласале за друга партија која не била посочена во анкетата.
Високи 23,1 процент немаат доверба во ниту еден политичар.