Рејтингот на одобрување на американскиот претседател Доналд Трамп падна на 38 проценти, што е најниско ниво откако тој се врати на власт, според анкетата на Ројтерс/Ипсос. Американците се незадоволни од растечките трошоци за живот и од истрагата за починатиот осуден сексуален престапник Џефри Епштајн, објави Ројтерс.
Анкетата доаѓа во време кога влијанието на Трамп врз Републиканската партија покажува знаци на опаѓање. Најновата анкета покажа дека рејтингот на одобрување на Трамп паднал за два процентни поени во споредба со анкетата на Ројтерс/Ипсос спроведена на почетокот на ноември.
Трамп го започна својот втор мандат со одобрување од 47 проценти, но падот од девет поени од јануари ја донесе неговата вкупна популарност блиску до најниското ниво забележано за време на неговиот прв мандат и блиску до најслабите рејтинзи што ги уживаше неговиот демократски претходник во Белата куќа, демократот Џозеф Бајден, според Ројтерс.