„Не постојат никакви пречки да се одржат изборите на 24 април – Ова е кристално јасниот став на еврокомесарот Јоханес Хан. Ова е вистината која на површина го извади стравот на СДСМ од соочување со народот. СДСМ во ноември ги изгласа измените во изборниот законик каде како датум беше потврден 24-ти април. СДСМ заради сознанието дека нема поддршка од граѓаните сега сака да ја продлабочи и пролонгира кризата во која ја втурна Република Македонија.
СДСМ е синоним за деструкција и СДСМ може да егзистира само во криза. СДСМ веќе три месеци учествува во Владата и освен Фабриката на афери и константната злоупотреба на институциите и унапредувањето на сопругот на Фросина Ременски, не реализираше ниту еден проект во полза на граѓаните.
Затоа СДСМ бега од ставот кој јасно го соопшти еврокомесарот Јоханес Хан.
„Во четвртокот имав контакт со директорот на ОДИХР, господин Линк и со генералниот секретар на ОБСЕ. И двајцата ми потврдија дека доколку сите во државата се посветени ќе биде возможно да се спроведат фер, транспарентни и демократски избори, според нашите европски и меѓународни стандарди. На секој начин на кој европските институции, ОБСЕ, ОДИХР, Европската комисија можат да помогнат да се направи, тие ќе бидат таму и јас повторно ќе дојдам. Но сега останува политичките партии да донесат одлуки. Јас само можам поттикнам сите да партиципираат на изборите.“
Раководството на СДСМ е избезумено од фактот дека на 24 април завршуваат нивните политички кариери. Со тоа завршуваат и сите унапредувања на нивните најблиски во институциите. Завршуваат сите криминални тендери во Струмица и сите уплати од по 100 000 евра во менувачницата на Вицето“, се вели во реакцијата на ВМРО-ДПМНЕ, на соопштението на СДСМ.