ВМРО-ДПМНЕ: Бизнис интересите на власта се поважни од заштитата на Охрид

Од:

„СДСМ го уништи Охрид и му го загрози статусот на заштитено подрачје на УНЕСКО. За Зоран Заев и СДСМ поважни се матните бизнис зделки отколку културното и природно наследство на Република Македонија.

Како резултат на негрижата и неспособноста на СДСМ, Охрид за прв пат од 1979 година ќе биде ставен на листата на загрозено светско културно наследство и ќе се најде во друштво на држави како што се Авганистан, Конго, Ирак, Палестина, Сирија и Узбекистан.

УНЕСКО во најновиот извештај констатира дека подрачјето на Охрид продолжува да биде погодено од неконтролиран урбан развој, несоодветно урбано развивање како и експлоатација на брегот. Во извештајот стои и дека во последниот период во Охрид има зголемено загадување, нарушување и уништување на животната средина.

За неспособноста и незаинтересираноста на СДСМ за заштита на културното наследство говори и фактот дека не се реализирани повеќето од половина од 19-те забелешки на реактивната мисија на УНЕСКО.

СДСМ додека беше опозиција ветуваше грижа за културното наследство и средување на урбаниот хаос во Охрид, но откако дојде на власт го направи спротивното. Ветуваа попис на дивоградби и нивно рушење, а се што направија беше легализација и откочување на изградбата на запрените двоградби.

СДСМ остана глува на сите предупредувања на експертската јавност, екологистите и на УНЕСКО кои укажуваа на девастацијата и узурпација на Охрид и неговата околина.

Очигледно е дека бизнис интересите на функционерите од власта се поважни од заштитата на Охрид и културното и природно наследство на Република Македонија.

Скандалите на СДСМ во областа на културата растат од ден на ден. СДСМ докажа дека нема интерес да се грижи ниту за културата, традицијата и наследството на Република Македонија.

Државата и Охрид не заслужуваат ваква неспособна и криминална власт чиј единствен интерес е како побрзо да се збогатат. Токму затоа СДСМ мора да си замине“, се вели во соопштението на ВМРО-ДПМНЕ.

Би можело да ве интересира

Советничка група на ВМРО-ДПМНЕ: Власта и Шилегов да одговорат чии бизнис интереси штитат за еколошката катастрофа на Вардар

Ана Ололовска

ВМРО-ДПМНЕ: Аферата „Рекет“ го наруши меѓународниот углед на земјата

Ана Ололовска

(ВИДЕО) Трипуновски: Трајане, Љупчо, Зоране на земјоделците им е преку глава од вашите криминали и криминалци

Татјана Ташкова

(ВИДЕО) Стоилковски: Дончев и Филипче мора да си поднесат оставки

Татјана Ташкова

Мицкоски на средба со лозарите од Неготино

Ана Ололовска

(ВИДЕО) Трипуновски: Лозарите имаат реален проблем и тој е креиран од оваа власт

Ана Ололовска