Вишо обвинителство бара Мијалков да се ослободи за „Тортура“ – жалбата на колегите од ОЈО да се одбие

Од:

Вишото јавно обвинителство од Скопје бара од Апелација да ја отфрли жалбата на колегите од Основното јавно обвинителство и да ја потврди ослободителната пресуда за Мијалков и Алфите обвинети во предметот „Тортура“ за мачење и друго сурово, нечовечко или понижувачко постапување и казнување, при апсењето на Љубе Бошкоски.

Мијалков и Алфите добија ослободителни пресуди од првостепениот суд со образложение дека обвинителот Љубомир Лапе не докажал надвор од основано сомнение дека тие се виновни за делото. На пресудата жалба до Апелација поднесе обвинителот Лапе, по што било побарано мислење и под повисокото обвинителство.

Како што за А1он потврдија од обвинителството, од страна на Вишото јавно обвинителство било испратено официјално мислење до Апелација, кое директно оди против колегите од Основното обвинителство, односно се бара нивната жалба да се одбие како неоснована.

„По приемот на предметот „Тортура“, Вишото јавно обвинителство Скопје, согласно законските надлежности, по проучувањето на списите, го достави предметот до Апелациониот суд Скопје на надлежно постапување со предлог жалбата на Основното јавно обвинителство Скопје да се одбие како неоснована.“ велат од обвинителството за А1он.

Апелација сега на маса ги има двете спротивни мислења од обвинителите. Обвинителот Лапе кој се жали на ослободителната пресуда и колегите од Вишо ЈО кој бараат таа да се потврди. Апелација има дискреционо право да одлучи кое мислење ќе го прифати.

Предметот „Тортура“се однесуваше на начинот на кој беше уапсен лидерот на Обединети за Македонија, Љубе Бошкоски на 6 јуни 2011 година, ден по тогашните парламентарни избори. А на обвинителна клупа беа ексдиректорот на УБК, Сашо Мијалков, поранешниот командант на полициската единица „Алфа“, Ивица Анчевски – Пуки и петмината „алфи“: Новица Станковски, Петар Милошевски, Филип Атанасов, Јован Боцевски и Метуш Шабани,

Судечкиот совет на чело со судијката Александра Ристеска изрече ослободителна пресуда бидејќи како што стои во пресудата обвинителот Љубомир Лапе не докажал надвор од основано сомнение дека тие се виновни за делот мачење и друго сурово, нечовечко или понижувачко постапување и казнување.

 

Би можело да ве интересира

Ја киднапирале за пари – готово обвинението за убиството на Панче и Вања за четворица, таткото обвинет за помагање

Анита Петровска Рајковиќ

Мијалков утрово го напушти струшкиот затвор, бил примерен затвореник

ОЈО: Извршен е увид, се испитуваат причините за опожарување на службениот автомобил на директорот на „Идризово“

ОЈО за двојното убиство во скопското село Стајковци: Го убил братот и сопругата на починатиот брат

Горан Наумовски

ОЈО: Изборниот ден помина генерално без поголеми нарушувања на гласањето и пријави за изборни инциденти

Обвинителство: Изборите се мирни – Кривични за две лица во Велес, за едниот се бара притвор

Анита Петровска Рајковиќ