Кандидатите за градоначалници за Скопје и Центар, Јани Макрадули и Андреј Жерновски, се потпишаа на иницијативата на граѓанското здружение „АМАН“ за собирање десет илјади потписи за измени во Законот за енергетика, враќање на евтината дневна тарифа за струја и укинување на Правилникот за топлинска енергија на Топлификација.
Целосно се согласуваат со барањата на оваа граѓанска иницијатива, која се противи на самоволието и партиските одлуки на Регулаторната комисија за енергетика.
Овие одлуки, велат, одат директно на штета на граѓаните, а во корист на државата и на енергетските монополи.
Сметките велат, немаат партиска ознака и затоа ги повикаа сите граѓани кои чувствуваат дека се изиграни од ваквиот однос на Регулаторната комисија масовно да излезат и да го дадат својот потпис на граѓанската иницијатива на „АМАН“.
Се надеваат дека и пратениците од ВМРО-ДПМНЕ ќе ја поддржат иницијативата, но и ќе гласаат за законот.
Прашуваат, кој ним им ги плаќа сметките, бидејќи не се чувствуваат загрозени и бидејќи не постои граѓанин кој што може да одолее на ваквите зголемени трошоци за електрична енергија или за топлинска енергија во Скопје, при тоа оние услуги кои што се нудат, а се однесуваат на топлинската енергија апсолутно не ги задоволуваат ниту стандардите.