Златна сирена денеска се поставува на барконата галија кај Мепсо. Сирената стои на задниот дел на галијата, на крмата и е со златна боја.
Инаку, според некои легенди, се верувало дека сирените треба да се убијат зашто им носат несреќа на морнарите, а ако сирената преживеала, ќе ја врзеле на предницата на бродот за да се исуши и да умре. Нејзиното тело се оставало како украс и како предупредување за другите сирени.
Само пред неколку дена, барокната галија доби и едра. Веројатно сирената е завршница на конечниот изглед на објектот.
До бродот води мал метален мост, на влезот е поставен натпис „Ројал Македонија“ , кој е предвиден за угостителски објект.
Надворешниот дел од галијата е украсен со мали столбови, а средишниот дел е обоен во црвена боја, а прозорите се украсени со златни елементи кои треба да потсетуваат на барокен стил.
Во реката Вардар се градат три од најавените четири галии, а според Деталниот урбанистички план „Мал ринг“, дозволена е изградба на вкупно шест вакви бродови.
А.Б.