ВИДЕО: Втор ден полициски час – само дожд по кумановските улици

Од:

Кумановци повеќе од 50 часа се затворени во своите домови, по прогласувањето на полицискиот час кој почна во петокот во 21 часот, до утре изутрина, до 5 часот.

По улиците, во исклучителни случаи, може да се забележи само по некое возило. Само лицата кои имаат дозвола за движење или оние кои одат по итна набавка на лекови смеат да се движат низ градот.

Од утре, полицискиот час во Куманово ќе трае подолго отколку во останатиот дел од државата, односно од 16 часот до 5 часот изутрината.

Кумановци во петокот беа затекнати од прогласувањето на полицискиот час кој трае во текот на целиот викенд, па тие имаа само неколку часа за да испазарат и да се снабдат со основните намирници. Тогаш низ продавниците се создаде гужва, која се смири во 21 часот вечерта кога сите се затворија во своите домови.

Само во последниве 24 часа, во Куманово беа евидентирани 21 нови случаи на Ковид-19 и со тоа бројката достигна 114 лица заразени од коронавирусот.

Едно лице од Куманово почина од коронавирусот во Градската болница „8 Септември“ во Скопје.

Би можело да ве интересира

Дилер од Куманово со нож повредил полицаец

Горан Наумовски

19 годишник дивеел и кршел во полиција во Куманово, нападнал и полицаец

МВР: Приведени се разбојниците кои пукаа и ограбија кумановец

Дефект на трафостаница ги остави кумановци од центарот на градот без струја

Горан Наумовски

Повеќекратно убиство во кумановско: Два сина и мајка застрелани од нејзиниот брат

Орце Костов

Куманово објави повик за оброк за ранливите категории граѓани