Дубровка Секулиќ, архитект и докторант на Институтот за историја и теорија на архитектура ЕТА во Цирих, које е по потекло од Србија, за проектот „Скопје 2014“ вели дека е сублимација на се она што е лошо во светот.
Таа деновиве престојуваше во Скопје каде со своите студентите од овој факултет ги разгледуваа урбанистичките промени и ги посетија постарите градби. Предмет на нивното проучување се објектите изградени во 70-тите и 80-тите кои историјата на архитектурата ги смета за највредните примероци од модернизмот. Што се однесува до појавата на неокласицизам и барок во центарот на Скопје, Секулиќ вели дека „ова измислување на минатото“ е вистински кошмар, дека може да и користи само на политичката елита која ја злоупотребува архитектурата.
– Она што мене најмногу ми смета е тоа што е неверојатно колку јавни пари се трошат нетранспарентно, без никакво учество на граѓаните, и тоа за објекти кои не се ни потребни воопшто. Вчера бевме во стариот археолошки музеј кој е празен затоа што постои нов археолошки музеј – вели таа.
„Скопје 2014“, смета дека не е за луѓе затоа што не им овозможува простор кој граѓаните би го употребувале за да седнат или за да се сретнат со некого.
– Светот гледа со неверување на она што се случува во Скопје, на тоа што владејачакта елита намерно го брише социјалистичкото наследство кое е препознаено како високо квалитетно. Се брише социјалистичко Скопје кој е симбол солидарност на целиот свет спрема Скопје после земјотресот. Некои од тие објекти кој се засекогаш уништени се драгоцености на седумдесетите и осумдесетите години – вели таа.
Градскиот трговски центар и е еден од најомилените објекти. ГТЦ, смета таа, е место за средба, а не само за купување, затоа што, вели, може да се користи без да се плати и тоа во време кога граѓаните се повеќе го губат јавниот простор.
– Првпат бев во Скопје 1999 година и мене ГТЦ ми беше најневеројатно нешто поради константната игра во која никогаш не знаете дали сте внатре или надвор. Мислам дека тоа е еден од најинвентивните објекти во југословенската архитектура, па и во светски размери. Има просторен квалитет во тоа што го користите без да приметите – вели таа.
Маја Васева