ВИДЕО: Средба Спасовски – Палмер: Реформите и нивното спроведување најавуваат позитивна и скорешна одлука на ЕУ за почеток на преговорите

Од:

Претседателот на Владата Оливер Спасовски, на маргините на Самитот за Западен Балкан на Европската банка за обнова и развој во Лондон, се сретна со специјалниот претставник на американскиот државен секретар на САД за Западен Балкан, Метју Палмер.

На средбата уште еднаш беше потврдено пријателството и стратешкото партнерство меѓу САД и Северна Македонија, а како посебно беше издвоено лидерството на земјата во регионалната соработка.

Во таа насока, премиерот Спасовски истакна дека земјава останува посветена на исполнување на обврските од договорот за пријателство, добрососедство и соработка со Бугарија и на договорот од Преспа со Грција, кои добија признание дека се остварени во духот на европските вредности, и дека се светол пример за решавање на билатерални спорови во регионот.

Специјалниот претставник на американскиот државен секретар на САД за Западен Балкан, Метју Палмер на средбата ја повтори определбата на неговата земја за поддршката на реформите и нивното спроведување во Македонија.

Палмер истакна дека од резултатите од реформите и од нивното спроведување се очекува позитивна и скорешна одлука на ЕУ за почеток на преговорите како логичен чекор и заради исполнувањето на сите критериуми и стандарди за членството во НАТО.

Би можело да ве интересира

Кошта: Не ни е потребна Унгарија за да го продолжиме процесот на пристапување на Украина кон ЕУ

Горан Наумовски

Орбан: Пристапувањето на Украина во НАТО би довело до војна Европа и би запалило „буре барут“

(ВИДЕО) Филипче: СДСМ обезбеди македонскиот јазик и идентитет во ЕУ да бидат чисти, признати и без никакви додавки, тоа беа нашите црвени линии

ЕУ ја критикува состојбата во Газа, но нема да го прекине трговскиот договор со Израел

26 од 27 членки на ЕУ ги поддржуваат заклучоците за Украина

(ВИДЕО) Спасовски: ВМРО-ДПМНЕ на секој начин ја отежнува и така тешката ситуација и на Кочани и на оние коишто настрадаа во несреќата

А1он