Полицијата денеска пронашла два пиштола кои ќе треба да се вештачат за да се види дали се користени во убиствата, кажа министерот за внатрешни работи, Оливер Спасовски.
„Денеска пронајдовме два пиштола кои треба да се вештачат“, рече Спасовски.
Тој посочи дека за оформување кривична пријава за таткото на убиената Вања Ѓорчевска се уште се работи. За четири лица, тројцата кои се во притвор и за Љупчо Палевски поднесени се пет кривични пријави.
„За четири лица, трите што се во притвор и Палевски, поднесени се пет кривични пријави. Вакво криминално како гнездо што е направено, мора да се разбијат. И партија која што е така формирана, мора да е дерегистрирана. Таткото е во 48 часовен притвор, се уште се работи, кога ќе се заврши ќе ве информираме“, кажа Спасовски.
Тој очекува и брзо да заврши постапката за екстрадиција на првоосомничениот Љупчо Палевски.
„Кога ќе се заврши постапката за екстрадиција. Очекувам тоа да се заврши брзо, ние сме подготвени“, додаде Спасовски.