ВИДЕО: Скопјанецот кој се крстеше пред Цар Самоил бил пијан, без возачка и сообраќајна дозвола

Од:

Пет прекршоци евидентирала полицијата кај скопјанецот кој вчера со возило „опел астра“ влезе на скопскиот плоштад, го паркираше и се крстеше пред споменикот на Цар Самоил. Од МВР за „А1он“ велат дека лицето било под дејство на алкохол. Во автомобилот имало и сопатници, кои пак, појасниле дека 66-годишниот скопјанец имал здравствени проблеми.

„Преземени се мерки од страна на полициски службеници и утврдено е дека Б.С. е под дејство на алкохол и не носи документи, а сопатниците во возилото појасниле дека има здравствени проблеми. Б. С. е приведен во ПС Центар, а возилото му е задржано. Покрај тоа, изречени му се мерки за возење под дејство на алкохол, неносење возачка и сообраќајна дозвола, измината важност на возачка дозвола и движење спротивно на сообраќаен знак“, велат од МВР за „А1он“.

Настанот се случи доцна синоќа, а е втор по ред откако претходно лице од Арачиново со автомобил „бентли“ влета на скопскиот плоштад. Тој беше казнет со глоба од 45 евра. Според пресудите на Европскиот суд за човекови права, кои се извор на правото и за домашните јавни обвинителства и судови, доколку едно лице прекршочно одговара за еден настан истото не може да биде гонето и кривично. Тоа значи дека за овој случај, тој не може да биде повеќе гонет.

Би можело да ве интересира

Казнети 16 возачи кои не дале предност на пешаци на територија на СВР Велес

А1он

Санкционирани 11 возила што вршат јавен превоз во Тетово

А1он

Син го прободел својот татко во Охрид

А1он

Казнети четири возила што вршат јавен превоз, од кои две имале неисправни сопирачки

А1он

Приведено лице од Кичево за издржување на затворска казна од четири и пол години

Ана Ололовска

Приведен крадец од Штип, затекнат при вршење на кривично дело

Ана Ололовска