Секој ден власта ја тресат корупциски скандали. Буквално смрди на коруцпија во врвот на власта. Последен е скандалозниот тендер во МВР од 4 милиони евра кој го добива и фирма основана 20 дена пред распишување на тендерот. Фирма без искуство, без капацитет, а вчера видовме и дека е без седиште, рече портпаролката на САСМ Богданка Кузеска.
– Како е можно ваква фирма да добие тендер за специјализирана опрема за полицијата? Ова е огромен скандал поврзан со Панче Тошковски кој бара итна институционална реакција И ги предадеме на ДКСК сите документи. Да се истражи до крај, дали станува збор за местен тендер, однапред договорен? Чии интереси стојат зад овој тендер вреден 4 милиони евра? ДКСК мора да отвори предмет, да ги истражи сите факти и конечно – да обезбеди одговорност. Време е ДКСК да покаже дека не е нем набљудувач на криминалот, туку бранител на јавниот интерес, вели Кузеска.