„Скандалозните уцени и закани упатени кон средношколците во Битола, од страна на професори и директори, се срамни и недозволиви.
Го осудуваме непрофесионалното однесување на директорката и професорка од средното медицинско училиште во Битола кон учениците, видливо од објавената снимка на социјалните мрежи“, рече на денешната прес-конференција Јулијана Силјановска, СДСМ Битола.
„Овој непедагошки чин ги деградира учениците како автономни личности и ги промовира заканите како нормален начин на комуникација, што е недозволиво.
Средношколците се иднината на оваа земја и кон нив никој нема право да се однесува недолично. Најмалку професорите и директорите кои треба да ги образуваат и воспитуваат.
Легитимно е да се бара подобро и поквалитетно образование. Средношколците имаат право да го искажат својот став за лошите реформи и хаосот во образованието. Во тоа беа поддржани и од нивните родители и од професори.
Но, наместо да ги штитат интересите на учениците и да го бранат правото на подобро образование, дел од директорите и професорите во училиштата решија да го бранат Никола Груевски.
Ова е уште една потврда дека и директорите во училиштата во Битола се инструмент во рацете на Никола Груевски и малата група околу него“, вели Силјановска.
„Залоупотребата на позицијата директор е неприфатлива и за тоа мора да се понесе одговорност.
СДСМ бара веднаш да престанат заканите и притисоците врз средношколците во Битола.
Апелираме, директорите на училиштата, и професорите, да ги почитуваат ставовите и барањата на средношколците и да создадат клима за суштински разговари со нив“, изјави Јулијана Силјановска.