Заедно сме посилни и заедно ќе победиме. Нас ни го укинаа домашниот притвор, но ние не сме слободни, не само поради тоа што ни трае судскиот процес, затоа што Македонија не е слободна, рече Здравко Савески пред Владата.
– На власт има криминалци кои го осиромашија народот. Штетата за канцеларијата на Иванов ја проценија на 15 илјади евра. Пишуваа глупости колку да земат што е можно повеќе од граѓаните. Но ние ќе издржиме во оваа борба и нема да се предадеме. Народот кој храбро гази напред ништо не може да го запре, рече пред демонстрантите Савески.