Единица за недозволена трговија – Одделение за недозволена трговија со дрога при СВР Скопје, со кривична пријава до надлежното Основно јавно обвинителство – Скопје го предаде 31-годишниот Н.Б. од Скопје, поради постоење на основи на сомнение дека сторил кривичното дело „неовластено производство и пуштање во промет наркотични дроги, психотропни супстанции и прекурзори“ предвидено и казниво по член 215 од Кривичниот законик на РМ.
„Вчера на 05.03. врз основа на претходно добиени оперативни сознанија, по издадена судска наредба извршен е претрес на дом кај пријавениот во Скопје. При извршениот претрес во станот пронајдени се 52 саксии со стебла Канабис, 1 килограм 324,43 грама марихуана, 54 капсули со вкупен волумен од 27 ml хашиш-масло, 11 шприцеви со 30,7 ml хашиш-смола, неколку семки Канабис и вага на која имало остатоци од марихуана и хероин“, се наведува во соопштенеито на полицијата.
Во станот исто така имало и инсталиран систем – импровизирана лабараторија за одгледување и производство на растенија кои припаѓаат на растителниот род Канабис и производство на уље од Канабис.
