Архитекти, студенти, актери, режисери, новинари и други скопјани се влкучуваат во Иницијативата Го сакам ГТЦ, тие преку видео пораки го изразуваат своето незадоволство за идејата ГТЦ да се покрие со барокен изглед.
Секој ден освен во недела, од 14 до 21 часот, во центарот на градот, на улица Македонија, е поставен е информативен пулт на иницијативата Го сакам ГТЦ, каде домаќини се познати скопјани кои се против барокен ГТЦ.
-Целта е да ги информираме нашите сограѓани за настанот на 28-ми декември и да им ја доближиме заложбата за автентично идно третирање на ГТЦ.
Додека чекаме одговор од Град Скопје за локацијата пред ГТЦ кон плоштадот, ќе бидеме лоцирани на почетокот од улица Македонија, исто така кон плоштадот, за која добивме одобрение од Општина Центар.
За да бидеме присутни поголем дел од деновите и во јавен простор, сечија добронамерна поддршка е добредојдена.
Секој кој може да волонтира во активностите, може да се пријави преку порака на e-mail: [email protected], на Facebook: www.facebook.com/GoSakamGTC или да се пријави кај волонтерите на штандот, велат од иницијативата
Тие повикуваат граѓаните кои имаат стари фотографии, приказни, инспирирани дела од ГТЦ и било какви материјали за ГТЦ да ги споделат со јавноста на блогот на Го сакам ГТЦ.