(ВИДЕО) Почна маршот на ВМРО-ДПМНЕ за правда: „Никогаш Северна, само Македонија“

Од:

Со пароли „Никогаш Северна, само Македонија“, почна маршот за правда на ВМРО-ДПМНЕ пред Обвинителството. Насобраната толпа на чело носи транспарент на платно на кој пишува „Заев е виновен“, а има и транспаренти со фотографијата на експремиерот на кој пишува „Готов е“, но и такви кои се однесуваат на шефицата на Обвинителството против организиран криминал и корупција, Вилма Русковска.

Насобраните луѓе на маршот носат развиорени знамиња, меѓу нив и знамето од Вергина.

На протестот присуствува и лидерот на партијата Христијан Мицкоски, кој беше поздравен со извикувања „Христијан, Христијан, ВМРО, ВМРО“. Присутните граѓани од Обвинителството маршираат до Врховниот суд, каде што ќе се обрати Мицкоски.

Граѓаните во рацете држат црвени картони како порака ова власт да си замине и да дојде, опозицијата на власт за да се вратела правдата. Граѓаните поминувајќи покрај неколку институции свираат со свирчиња и извикуваат „Уаа, уаа” .

Од партијата истакнаа дека ќе се маршира против неправдата, за да се упати порака за почитување на правдата и да се спротистави на кршењето на Уставот и законите.

„Oваа држава која почива на правдата, на нашата борба за независност и слобода, на почитувањата на правото, во која Македонците се борат за своите правдини, мора да се спротивстави на ваквото брутално кршење на законите и Уставот. Тоа е наша обврска, наша должност, но и наша задача“, велат од ВМРО-ДПМНЕ.

Пред една недела, марш за правда под мотото „Чекориме за правда“, организираше и владејачката СДСМ.

Би можело да ве интересира

„Ниту една повеќе“: Граѓаните бараат крај на насилството врз жените

Горан Наумовски

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

Обвинителство бара притвор за Кристијан Корабовски од Охрид кој ја претепа 26 годишната Сара

Горан Наумовски