Незадоволни од промената на условите за откуп на грозјето кои „Тиквеш“ почнала да ги применува денеска лозарите се собраа пред винаријата. Дел од нив се обидуваа да пробијат внатре во објектот кој пред кој имаше полиција. Жестоки пцовки, турканици и фрлање грозје кон винаријата се гледаат и слушаат на видеата на социјалните мрежи.
Претходно лозарите во текот на попладнето истурија неколку трактори грозје пред винаријата.
Откупот на грозјето туку што почна и веднаш се појавија проблеми со откупната цена и шеќерните единици на грозјето.