Со пуштање во употреба на новата, таканаречена сува фонтана, вредна 2, 5 милиони евра повторно е отворен скопскио плоштад. Парите за фонтаната беа обезбедни од Градот Скопје (една третина) а другиот дел од Владата.
Извадени се и претходните гранитни плочи и сега плоштадот е целосно бел.
Кога се најави изградбата на фонтаната опозицијата не гледаше причина за поставување на уште една, освен како што рекоа пред шест месеци кога беше најавен проектот „тендерските бизниси на Трајановски и Груевски“.
– Напразно потрошените средства, за фонтана до фонтана, власта и градоначалникот на Скопје можеа да ги искористат за енергетски ефикасни фасади, на што веќе работи општината Центар. На овој начин практично ќе се потврдеше определбата Скопје да биде енергетски ефикасен град. За жал, главниот град е далеку од тоа. Потпишувањето Меморандум за разбирање за зајакнување на мрежата на енергетски ефикасни градови од страна на Град Скопје е врв на лицемерието на Коце Трајановски, реагираа од СДСМ.
Освен плоштадот, секојдневно има обид да се избрише се што било изградено пред оваа влада. Колку е оваа инвестиција оправдана, ако се има предвид дека претходно, кога градоначлник беше Ристо Пенов плоштадот беше обновен и поплочен.
По спомениците, со оваа фонтана значително е намален просторот за движење на градскиот плоштад.