Министерот за надворешни работи, Бујар Османи по средбата во владата со коалициските партнери рече дека францускиот предлог има европска компонента и билатерална компонента.
– Билатералната е протоколот, тој не е веќе во европскиот пакет и е билатерален со Бугарија, но е дел од овој процес за да бугарија даде согласност на пакетот. Тој е усогласен меѓу министерството за надворешни работи, но Владата ќе го разгледа во рамки на целиот пакет. Доколку владата донесе одлука дека го одобрува пакетот, јас можам да организирам средба со меѓувладината комисија на Бугарија и да го потпишеме протоколот. Мислам дека тоа би било во истиот ден кога Советот на ЕУ ќе ја усвои преговарачката рамка – рече Османи.