Миленко Неделковски во неговата емисија ги повика функционерите и поранешни министри од ВМРО-ДПМНЕ да искажат став околу референдумот, бидејќи, како што кажа тој, тоа прашање е поважно од нивните лични интереси.
– Зошто не се изјаснуваат Илија Димовски, Никола Поповски, Канчевска-Милеска. Некои од нив, знаејќи ги нив и нивните родители, без разлика колкав притисок и да имаат нема да гласаат против Македонија. Меѓутоа не ми јасно зошто другите не се изјаснуваат. Зошто не се изјаснува Никола Груевски, Змејковски?, прашува Неделковски.
Тој вели дека оправдувањата кои кружат во јавноста се оти имале кривични пријави и им се заканувал затвор.
– За Македонија се оди во затвор. Гледате дека ве суди режим, ве судат силеџии. Заради твојот комодитет не заслужува Македонија и нејзиното големо име да страда. Ќе земеш и ќе се жртвуваш, па ќе дојде друга власт, ќе има обнова на дело, па ќе има ослободување, рече Неделковски.
Според него, не се тие избрани од народот за да жртвуваат се заради нивниот комодитет.
– Куче што јаде маст, ќе јаде и стап. Вие сте должни пред вашите сограѓани и вашите гласачи да се покажете, такви какви што ние очекуваме дека сте, вели Неделковски.