(ВИДЕО) Мицкоски: „Трас, трас“, вака Заев ја егзекутира правдата во Македонија

Од:

„Ова е протестен марш со кој почнува крајот на неславното владеење на СДСМ“. Вака лидерот на ВМРО-ДПМНЕ Христијан Мицкоски го почна говорот на протестниот марш против неправдата, кој почна од Обвинителството, а заврши пред Врховниот суд.

vmro dpmne protest

Зад него стоеја младите од партијата кои носеа транспаренти „Ниту правда, ниту мир“, „Заробена правда, заробена држава“, „Стоп за Заев и мафијата“. Откако беше пуштена македонската химна и аудио – материјалите на кои наводно се слуша гласот на Зоран Заев, а кои пратеникот Антонио Милошоски ги достави до Обвинителството, Мицкоски рече:

„Поминаа 48 часа, а нема реакција ниту од Вилма Русковска, ниту од било кој друг. А Заев е нечесен од глава до петици. Слушнавме како ја егзекутира правдата или што би рекле ‘трас, трас’. Не докажа ниту еден криминал, а многу криминали амнестираше“.

Мицкоски побара покренување на истрага за Заев, кој, според партијата, се мешал во судските одлуки и тим од обвинители кои ќе бидат непристрасни и ќе го расветлат случајот.

Како второ барање, Мицкоски ја посочи ревизијата на работата на Врховниот суд и нивните одлуки, а доколку се докаже дека работеле незаконски, тој побара нивни оставки.

Третото барање на лидерот на ВМРО-ДПМНЕ се реформи во Советот за правосудство и експертска помош во реализирањето на реформите.

Целиот говор на Мицкоски беше насочен кон Зоран Заев. За себе, тој единствено рече дека доколку дојде на власт, „нема на памет да му дојде да се меша во судската власт“.

„Прав е патот само до Идризово, а одговорност ќе има, без разлика на името и презимето и кој од каде доаѓа. Заев, ќе изгубиш, и ти тоа добро го знаеш“, порача Мицкоски пред присутните.

На протестниот марш меѓудругите присуствуваа и Александар Николовски, генералниот секретар на партијата, бивши пратеници од ВМРО-ДПМНЕ, Никола Мицевски координатор на ВМРО, експратеничките Ане Лашкоска и Магдалена Манаскова, Тимчо Муцунски, Влатко Ѓорчев, Валентина Божиновска и други.

Би можело да ве интересира

„Ниту една повеќе“: Граѓаните бараат крај на насилството врз жените

Горан Наумовски

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

ВМРО-ДПМНЕ: Филипче и СДС бегаат од надзорна расправа за Алта банка и продолжуваат да лажат дека банката имала забрана за работа во ЕУ

(ВИДЕО) Манасиевски: Филипче и СДС и натаму лажат дека Алта банка имала забрана за работа во ЕУ

А1он

СДСМ: Мицкоски и Кочоска најавуваат задолжување од 2 милијарди евра во 2027 година

А1он

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски