„Социјалдемократскиот Сојуз на Македонија, а воедно и Сојузот за иднината, продолжуваат со активностите насочени против недемократските принципи на владејачката гарнитура.
Незадоволството од последните случувања на политичката сцена се шири низ сите поголеми градови во Македонија, а веќе во четврток, 17.01, токму во Штип, ќе се одржи и „Маршот за слободата‘‘.
„Маршот за слобода‘‘ е марш на Сојузот за иднината во кој јасно, гласно и принципиелно се бара враќање на демократијата, слободата на говорот, слободата на медиумите и почитувањето на Уставот и законите.
Збирното место е во 17:30 во населбата Автокоманда или поточно кај добро познатите печурки.
„Маршот за слободата‘‘ ќе стартува точно во 18 часот и притоа е предвидена следнава маршута:
Автокоманда – Базалт – Дулет – Промаја – Стопанска Банка
Маршот завршува во централното градско подрачје или поточно кај Стопанска Банка, каде свое обраќање ќе има и Претседателот на СДСМ, Бранко Црвенковски.
Ги повикуваме сите граѓани на Општина Штип да ни се придружат на овој протестен марш и со тоа недвосмислено да покажат дека се против рушењето на Уставот, законите и демократијата во нашата држава“.