СДСМ и ДУИ се свесни дека ја немаат поддршката од народот и знаат дека работат спротивно на народната волја, тие се подготвени да направат национално предавство и сето тоа го правдаат со сликање кое ќе го добијат за некаков наводен почеток на преговори. Затоа и го кријат протоколот со кој се бугаризира Македонија, се бугаризираат македонските херои и со кој на Бугарија и се дава можност да се повикува на документ со кој самите ќе се согласиме да се бугаризираме рече на прес конференција пратеникот на ВМРО-ДПМНЕ Драган Ковачки.
– Иако најавија дека ќе го објават, иако бугарската министерка за надворешни, Генчовска јавно кажа дека протоколот е потпишан, сепак македонското МНР го крие протоколот од јавноста. А кога нешто криете, јасно е зошто тоа го правите. Владата е должна да го објави протоколот. Парадоксот да биде уште поголем, пратениците на СДСМ повикуваат да дадеме поддршка на еден лист хартија што е доставен до Собранието и за нешто што и самите го немаат видено. А дека токму историјата е дел од преговорите и се подготвува бугаризација потврди и Пендаровски вели Ковачки.
Тој ја повика власта мора да ја слушне силата на аргументите, да престане како што рече да ја силува демократијата во државата и да престане да ја поларизира состојбата за која е директно одговорна.
– ВМРО-ДПМНЕ останува на цврсти позиции, промена на Устав – не доаѓа во предвид го повтори ставот на партијата Ковачки.