(ВИДЕО) Ковачевски: Предлогот на Франција не е прифатлив за нас

Од:

Премиерот Димитар Ковачевски го одби предлогот на Франција на денешниот самит на ЕУ за Западен Балкан.

dobivaj vesti na viber

„Северна Македонија е кандидат 17 години. Еве сме тука денес, а преговорите не се започнати. Ова е сериозен проблем и сериозен удар врз ЕУ. Ние и Албанија и регионот не смееме да тапкаме во место поради една земја членка која не успеава да се координира и да обезбеди деблокирање на нашиот европски пат.

Билатералните прашања не смеат да станат мултилатералрен проблем. Како земја која е посветена на заедничко решавање, влеговме во преговори со Бугарија да најдеме решение со европски вредности. Месеци наназад го посветувавме времето кон иднината. Бугарија реши да се врати во минатото и повторно да постави блокада која никому не оди во прилог. Време е ЕУ да ги исполни своите ветувања.

Што се однесува до францускиот предлог, овој предлог е неприфатлив за нас.

– Предлог кој би бил прифатлив за Македонија ќе мора да содржи: чиста формулација за македонскиот јазик во преговарачката рамка и јасна заштита на македонскиот идентитет. Историските прашања не мжат да бидат дел од преговарачката рамка. Преговорите помеѓу Македонија и ЕУ мора да почнат пред отпочнување на постапката за уставните измени. Цврсти гаранции дека Бугарија нема да условува со нови барања надвор од она што ќе биде договорено со билатералниот протокол. Предлогот во ваква форма е неприфатлив за мене, за претседателот, за Владата и за граѓаните на Македонија – рече Ковачевски во Брисел.

Тој додаде дека секое решение ќе биде консултирано со институциите во земјата. Доколку во текот на француското претседателство се постигне разбирање на македонските позиции, премиерот рече дека Владата е подготвена да се вклучи во разговори за истите.

– Сакам да им порачам на граѓаните да бидат спокојни. Никој не може без наша согласност да наметне било какво решение. Ние направивме се, сега ЕУ е на потег – додаде Ковачевски.

Би можело да ве интересира

Арсовски: Ковачевски да се извини на македонскиот народ затоа што ја носи државата кон ново национално предавство

Катерина Павлова-Николовска

(ВИДЕО) Ковачевски: Не постои поголем патриотизам од носењето државнички одлуки

Катерина Павлова-Николовска

Ковачевски оддаде почит на Никола Карев, првиот претседател на Крушевската Република

Ковачевски: Илинденците со оружје во рака се бореле за нашата генерација

Санчез: Можете да сметате на поддршката од Шпанија на вашите следни чекори за членство во ЕУ

Катерина Павлова-Николовска

Мицкоски: Само нелегитимен премиер може да го смета гласот на народот за нерелевантен

Катерина Павлова-Николовска