Комбе преполно со мигранти бегајќи од полицијата тргнало во спротивен правец на една од главните улици во Велес и пропаднало во ископан канал.
Настанот се случи доцна синоќа на раскопаната улица помеѓу велешкиот Суд и хотел „Интернационал“. Комбето бегало од полицијата и тргнало во спротивен правец на улицата 8 Септември, од кружниот тек кон Поштата, но најверојатно, возачот не знаел дека улицата се реконструира, па паднал во каналот.
Возачот и совозачот се фатени и приведени, а македонската полиција заедно со припадниците на ЕУЛЕКС го следеле комбето уште од македонско-грчката граница.
Во сообраќајната несреќа повредени се 11-годишно дете и неговиот татко кои биле во комбето.
Увидот заврши доцна, и во текот на денот ќе бидат соопштени деталите за инцидентот.