А1 он укажува на грубата монтажа изведена преку недозволеното земање видео материјал од страна на порталот www.press24.mk и негова преработка на дел од интервјуто со Ѓунер Исмаил направено од А1он.
Изјавата на Ѓунер Исмаил е без дозвола преземена и премонтирана за да се прикаже поинаков впечаток.
Од материјалот на А1, од посочениот портал, најнепрофесионално, е извадена една реченица со која се објаснува мотивот зошто треба да се извади споменикот на Никола Карев од пред Собранието, со што намерно се создава поинаков впечаток за кажаното.
А1 предупредува дека во иднина ќе поведе судска постапка за секаква дополнителна монтажа на нејзините интервјуа и изјави, како и вадењето од контекст на изјавите кои се во сопственост на порталот.
А1 нема намера никого да застапува или да брани поради изречените ставови, но ќе реагира за грубото искривување на вистината преку сечење и премонтирање на материјали кои се означени со логото А1он.
Во прилог се презентира материјалот и изјавата на Ѓунер Исмаил како што го измонтира порталот www.press24.mk и оригиналот емитуван на А1он.